Bilim va malakalarni baholash agentligi delegatsiyasi joriy yilning 23-yanvar kuni AQShda joylashgan “College Board” tashkilotiga rasmiy tashrif buyurgan edi. Mazkur tashrif doirasida xalqaro imtihonlarni tashkil etish, ularning qamrovini kengaytirish hamda talabgorlar uchun qulay sharoitlar yaratish masalalari yuzasidan bir qator muhim muzokaralar olib borildi.
✍️ Uchrashuvlar yakuniga ko‘ra, SAT xalqaro imtihonini topshirish jarayonini yanada qulay va ommabop qilish maqsadida, ushbu imtihonni respublikaning barcha hududlarida tashkil etish bo‘yicha kelishuvga erishildi. Bu esa abituriyentlarga imtihonni o‘z hududida topshirish imkoniyatini yaratib, ortiqcha vaqt va xarajatlarning oldini olishga xizmat qiladi.
🇺🇿 Ayni vaqtda Bilim va malakalarni baholash agentligining 13 ta hududiy bo‘limida SAT imtihoniga ro‘yxatdan o‘tish jarayoni boshlanganini ma’lum qilamiz.